اشعار وداع بس روعه

السلام عليكم ورحمة الله وبركاته
هاذول اشعار وداعـــــ
الناس في بسمة المجروح منخدعه !!
كم بسمه من وراها النار بأنفاسي ؟؟
بعض المواجع لها ما تنفع الفزعه !!
وبعض المواجع وجعها من وجع ناسي !!
عودت نفسي على الصدمات و الفجعه !!
ولو دست جمر الزمن ما ينحني رأسي !!!

جا يطيب خاطري بكلمتين
يحسب ان رضاي مضمون وسهل
عذره إالي رجعه شوق وحنين
يحسب ان رضاي بشوية غزل
مادرى اني حالف وحالف يمين
ما ارد بكلمتي مهما عمل
ما يلين القلب والله ما يلين
وان زعل يزعل ما يهمني لو زعل !!

لاتكثر بحكيك تري دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك وماانا عاجز اهدمك

لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك

أرجوك لا تزيد علي المواجع
بالأمس تاركني واليوم راجع
تبي كل الي فات اليوم راجع
خلاص أرجوك ما عاد لك بالقلب مكان
أرحل عني وخلي بأحزاني أغوص
بكره جاييني نصيبي
وانت الله يرزقك بنصيبك
خلاص روح عافك الخاطر

طلبت الموت والموت عيى لا يجيني
يمكن اذا مت حبيبي اليوم يبكيني
وافرح واقول حبيبي بكى لجل عيني
راضي ببكاه ولو السبب هي نهايتي

الوداع..اخر حروف في خفوقي شلتها
..ياتموت بوسط قلبي يااموت ان قلتها.
. يالي حبك في حياتي كان حلم وانتهى..:

ليت لي قلب على فرقاك يقوى
ّّّّّ كان ودعتك وعجلت الخطاوي
لكن اللي بالحشالك شي اقوى
من رحيل ماوراه الا البلاوي
ياحبيبي تدري ان الحب بلوى
وانت روحي ياجروحي والمداوي

أنتهينا مابقى شيٍ نقوله
لايضيع الوقت في كثر الكلام
كل منّا بان للثاني ميوله
الصراحه ما اعتقد فيها ملام
ساعة الفرقى على اللقيا عجوله
أنتهينا وانتهى ذاك الغرام
فرحتي من خلقت الدنيا خجوله
الامل فيها تلاشى في السلام
خلّ يبقى حبنا باجمل فصوله
الفراق المنتظر مسك الختام

وش حيلتي مادام حظي عصاني
أصبحت عاجز حايرفي مكاني
وخدي بدمع العين ياماكويته
هذا القدرمكتوب والعمرفاني
لكن أمانه كان موتي لفاني
قبري تحطونه عندباب بيته
يمكن إذاشافه بلحظه بكاني
وإلاتردالروح في نفس ميته

ابتعد في صمت وارحل في هدوء
واترك جروحي تنام وتلتئم..
وان حصل عني العواذل وانشدوا
قل لهم خان المبادىء والقيم..
سمني غدار او سمني عدو
وانت سمي نفسك ب"سيد الشيم"
اترك احزاني وارحل
يمكن جروحي تطيب وتلتئم..
مع السلامه

مشكورة

العفـــــووووووو عزوز

مشكوره اختي سارونهـ قمر

العـــفــــــووووووووووو رشـــــود وبــــس

» اشعار قصيره بس روعه
» اشعار روعه تقريبن عن اعتذار وعتاب
» اشعار حب
» اشعار قصيره
» اشعار حلوه مره انشاءالله يعجبونكم